Історія української літератури. Том 6 - Грушевський Михайло Сергійович (книги без регистрации TXT) 📗
Пропорцій досвЂдчиш межи поровнанем
Дня з ночю, а правдивым свят отправованем.
О як дивный тот способ и барзо хвалебный!
Фундаторе цных наук, отче превелебный,
Подалась нам в Россіи знати в часах мЂру,
В чом покажем отступным фалш их и невЂру:
Твоєй от нас Честности, поки часу станет,
Вдячность з Наук поданя, нигды не устает.
Корень умЂєтности пятый. Музика. Учит спЂваня.
Хоч то негдысь строфовал философ убогій
Діогенес музиков, гды цноты дороги
Занедбавши, на Лютнях Кант модеровали,
И стройне в обычаях нестройних спЂвали:
НЂгды єднак в том вины наука не маєт,
Кгды учачій науцЂ сам не подлегаєт.
Музика цвЂт веселя, корень пЂсній значных
Музика сад утЂхи, жродло мыслій вдячных,
Орфеова спЂваня лЂсы, рЂки, скалы,
ЗдумЂвши ся слухали, и Єиріп несталый;
Туж втропы шол звЂр дикій, птаков и рыб много,
Вдячностю потягненый голосу такого,
Але слушнЂй, заисте, правда потребует
СпЂваня, гды науки до себе керует:
Показал то церковный филяр барзо ясный,
Всей Сиріеи оздоба, Дамаскин прекрасный,
Бо день Пасхи и встаня от мертвых спЂвает,
Воскресшего всЂм Христа ясно освЂдчает,
Христов триумф весолый и тот день хвалебный
В гимнах вдячных целебруй отче превелебный.
Корень умЂєтности шестый. Геометрія. Учит землЂ розмЂреня.
Ксенофанес значнЂйшій з філософов давных
Обыватель з Греціи Коліофанов славных,
Архетипом нЂякимсь Бога называти;
Без початку и конца казал признавати:
Змылил єднак тот мудрец, бо розум в поганской
Єще ховал темности, и владзы шатанской.
Геометра в познаню правдивом о Богу
Юж будучи, такую дасть пересторогу:
Бог не єст фігуралный, але круглость свЂту,
Припишет личбу дневи, a одмЂнность лЂту,
Кто хочет землю, небо и всЂ елемента
Познати, геометрес подаст документа,
На шестьдесят всю землю частый розмЂряет,
Архимедес на Сферы небо роздЂляет.
Леч найвышшый вымЂрник з под землЂ выходит,
Й вязнев своих мнозство з собою приводит,
Тот котрый пядю небо мЂрит добротливый,
Нех в науках дарует початок щасливый.
Твоєй зась, отче, сла†конец тот готуєт,
В котором своих вЂрных до Неба пріймуєт.
Корень умЂетности седмый. Астрономія. Учит бЂгов небесных.
Где ясный палац Фебов, розный в будованю,
В положеню высокій, сличный в маліованю;
Где свЂтлый лихтар в небЂ, з седми лямп зложоный,
От всЂх сторон крышталом, моцне обточеный;
Где єст мЂстце планетом, и звЂздам грунтовным,
Отколь свЂтлость променем спадает кляровным, —
Там мысль тая наука людскую заносит,
През що скрытых познанє натур до нас вносит,
Астроліог бЂг солнечный, в зодіацЂ знает
Й през то, в речах пришлых скуток освЂдчает
ДовтЂп людскій прикрую подыймует працу,
Абы могл свЂдом быти горнего палацу:
В науце зась кто добре звЂдарской цвичоный,
Не барзо в том познаню будет утружоный.
Щаслившій єсть над иных, могу речи смЂле,
Астроном, бо он першій познал Бога в тЂле.
Тому ж мирру з кадилом нех вЂщкове носят,
Не Рождество, леч з мертвых встане юж голосят.
В якой сла†Арабов Астроном зоставил,
Такуюсь, честный Отче, юж Россіи справил.
Корень и верх ВсЂх Наук и умЂетностій. Феологія. Учит бозских речій.
Где оучинил границу, Геркулес он силный,
Прац своих богатырских, там теж Гішпан пилный
Мармуровый поставил столп, где з Оцеаном
Выспа мЂстце подает дЂлным Гадитаном:
Тоє мЂстце початком всЂх вод єсть глубоких,
З него плынут веЂ рЂки до краев широких:
Оттоль вода пріймуєт в плытю своєм можность:
Бо гды море всю землю в около обходит,
А конец до початку незначне приводит,
Оцеаном зоветься: гды зась в посред свЂта,
Идет, розне єго теж зовет Аравіта.
Тихже прац неужитых столпом превысоким,
Любо теж Оцеаном именуй глубоким
Небесную науку мудрости початок,
ВсЂх наук жродло бозких, a свЂтских остаток:
ЗвЂтяжцею Цекропов кто хочет зостати,
А в цвиченю цных Наук сам неуставати,
За быстрым злоторогим, кто єленем гонит,
И з Наук в свой пожиток, дорогій час клонит.
Єст граница прац твердых бозкая наука,
Узычаєт учоным, где к бЂгу мунштука:
Єсть Колюмна и конец прац Алкменидовых.
Бо вЂм мнозство приносит добр Ляомедоновых,
Оцеан медоточный мудрость бозских речій,
Слабый розум поняти що может чловечій,
З того моря выходят слодких Наук рвки,
РЂки а вод обфитость дают по всЂ вЂки,
Феолог Оцеаном нехся называєт,
Бо тот Наук, а ов зась всЂх вод жродло маєт.
Але недопустилесь, отче велебнЂйшій
Абы кресом прац долгих был столп он давнЂйшій.
Укопалесь колюмну от зимнои зоны,
При берегах ДнЂпровых под Седмитріоны 1.
Где задержиш мешканцов Россійских вшуканю
Цных Наук и в далеком юж пелгримованю.
Дал бы то Бог, гды бысмы чужих Криволіогов 2.
Понехавши, слухали своих Феоліогов.
А впрод в Церкви славили Христа з Дамаскином,
Духа з Отцем хвалили из ПредвЂчным Сыном.
Під кожною віршею ім’я ученика, що, мабуть, складав цю віршу під проводом свого професора і потім віддекламував її перед патроном школи — як у віршах на смерть Сагайдачного.
1 Північ, септемтріон покладено на седмтріон для ритму.
2 "Криволіоги" — неправославні в протиставленні до православних "феоліогів".
По цім "Парнасе албо сад умЂєтности вторый, стараньєм и коштом ясне превелебнЂйшого в ХристЂ є.мл.гдна отца кир Петра Могилы, архимандрита кієвского, воєводича земль Молдавских подчас весны особливоє ку народови Россійскому ласки божеи, десять лЂторослей наук вызволеных юж з себе выпущает".
ЛЂторосль наук первая. Клио. Тоєст, цвиченє в читаню гісторій.
Давных вЂков отмЂнный час трудне завитый,
Будет мЂти, кто хочет дость латво открыты(й)
Скоро толко з гісторій науки набудет,
Втотже час глупства в речах заразом позбудет.
Познаєт дЂлность славных Россійских гетманов.
ВЂдомости доступит в житю можных панов:
Європу тот, Азію з Африкою змЂрит,
Котрій розум в широких гісторіях ширит:
Лечь гды з землЂ обернет свою мысль до Бога,
З Гісторій єсть простая до неба дорога:
Дай покой, Клио, прошлым в дЂлности поганом
Христов живот описуй иди юж за Паном.
ЛЂторосль наук вторая. Мелпомене. Тоєст, цвиченє в писаню ВЂршов смутных й жалобных.
Час, Музо, жалость вЂршов смутных отмЂнити,
Час з ляменту веселе иж теж учинити.
Мелпомене, зостав юж срогіи жалобы,
Не псуй плачем дня того свЂтлои оздобы:
Гипполіта сталого Цекропом отдавши
И єго несмертелных похвал занехавши,
Отдавай честь звЂтязци, славу, годност, вЂру,
Нехай єго ширится можность до Єпиру.
При небесном земного не забывай вожа,
В Христовой овчарни дость пилного строжа:
А хвалячи дивуй ся, як єст опочистый,
Петр в звЂтязствЂ, а в житю як бы криштал чистый.
ЛЂторосль наук третяя. Уранія. Тоєст, цвиченє в бЂглости звЂздарской.
Ту юж Атляс, о Музо перестань зстарЂлым
Прешлым байком вЂрити, внимай сердцем смЂлым:
Юж не кроль мавританскій сферы модеруєт,
Леч найвышшій монарха сам небом керуєт;
Гды затмил в двох плянетах ясность всего свЂта,
И не дал розезнати от осени лЂта,
Тот правдивый астроном з-под землЂ выводит:
ЗвЂзды душ святых отцев, сам до неба входит;
Але наш дужій Атляс тяжар дость немалый:
Небо носить земное, в працах неусталый,
О як слушне, пречестный отче в такой силЂ
Небо церков двигаєш в небезпечной хвилЂ.
ЛЂторосль наук четвертая. Каллиопе. Тоєст, цвиченє в писаню высоких й поважных речій.
Каллиопе звитяжцов преславных похвало,
Умолкни, що ся пред тым за поган ставало,
