Энциклопедия языческих богов. Мифы древних славян - Бычков Алексей Александрович (книги читать бесплатно без регистрации полные .TXT) 📗

МИФЫ В ДРЕВНЕРУССКОЙ ЛИТЕРАТУРЕ

ИЗ ВВОДНОЙ ЧАСТИ ЕЛЛИНСКИХ ЛЕТОПИСЦЕВ

(Фрагменты публикуются по списку Еллинского летописца первой редакции, рукописи ГПБ, собр. Погодина, № 1437, XVI в. Текст воспроизводится с упрощением орфографии. Исправления сделаны по списку той же редакции — рукописи ГИМ, Синодальное собр., № 280, обозначенному в примечаниях литерой С.)

От гронографа о гигантех о змиенозех. Бе же от Адама, донележе внидоша сынови божий к дщерем человеческым, лет 2000 и 100 и 2 лета. В та убо лета краду огнену¹ пусти бог с небеси на гиганты, живущаа в Келтикистеи земли, и пожже я; в Иорданьскую реку, шедши, угасе крада; сего же огня мнять еллини сына солнечна суща, егоже светящеся, реша, упадша от колесница на землю. Сию же повесть списа Вудии в сотворении своем; правое же рече о сих Херонискыи Плутарх, яко рече краду, огнену сешедшу на Кельтикиискую землю. Оставшии же от них гиганте, видевше толико от них огнем пожжены, и не покаяшася. И рече бог, разгневався на ня: «Не имам дати живота человеком сим, елма плоть суть, плотьская мыслять», якоже Моисеискых^а пишеть книгах. Мудрый Писандр, творец еллинеск, по летех быв Моисеовех^б, о тех же гигантех в творении своём сказа: «Человекы от земля рождены, имуща ногы змиеви, дрезнувша на некыя божескыя силы, рек, сия различными козньми потреблены от бога». Мудрый же Тимофеи ту же повесть тлекуеть сипе, яко «сего деля творець нарече я человекы на змеиных ногах, елма же зверин ум имуть, || ничтоже блага небеснаго на уме имуще^в, не имуще нозе ходяще на земная злая дела неправедная; того деля божество звёздным простиранием и месячным и сленечным, овем от тресновения огнем повеле погибнути, а другим каменем стати, инем же скорейшими смертными стрелами устреленом быти, яко лущию, а другым множества вод потопленом быти. Тако вси гиганте нарицаемии змиинозе зле потреблени скончаша свои живот». Сервеи же мудрый поведаеть сия: «На широце поле живша^г, имевша рать с некыми, жившими на высоких горах, и везлезоша на горняа, акы змиеве, на руках и чревесы ползающе, и избиени быша от живущих на горах»…

О Кроне^д. Роди же ся от превого сына Ноева человек гигантаска рода, именем Крон, наречен быв от Дамия, отца своего³, в имя преходные звезды, бе же силен зело. Те прежде показа парствовати, рекше владети человекы, и парствова превие в Сирии много лет, и повину всю землю в Пресид от Асирия начен, бе же страшен всем, яко лют ратник. Глаголють же, яко влехвовавшу Крону, кто приимет его царство, и дано бысть ему проречение⁶, яко сын его прииметь, да тем разгневався Крон, пожираяше вся дети, яже раждаате ему жена его Ариа⁴. Егда же время ей бе родити нарицаемаго Пика Зевеса, еже есть Дии, себра кюриты, некыа бесы гласяща и поюща и в оружие звоняща⁵, да облазнится Крон, не слышав плачя отрочяте^ж и умедлить. Отрочя же дано бысть^з в Крит^и вескремити, а в него место камень повивше положиша, да усмотрив от облак Крон, сешед, пожре камень, мня отрочя, да ту абие изблева^й и прежняа пожретыа.

Име же иного сына и Крон, имевем Нина, и дщерь, именем Иру⁶. Крон же остави сына своего Пика Зевеса, теи есть Дыи, остави в Асурии и жену свою Семирам, той есть Арея, и поим мужа храбры, многу силу народа, и иде на западные страны, яже бяху без царя, не дрежимы никымже, и прия западный страны бошию и пребы многа лета, дрежа и царствуа западяым всем. И поят Кронь тамо жену именем Филуру и роди от нея сын именем Афрон⁸ и дасть ему Ливеску землю, поя же от Лакари-иского острова жену именем Аостроном и роди дщерь именем Афродита⁹, во имя преходныа авеэды, мудра бывши, яже посяже за мудраго Адонида афин^Лана, сына Кинирова¹⁰, и жиста оба вкупе мудрующа и до смерти. Име же Крон от тоя же Фулуры сына, нарицаемаго Хирона философа и того.

О Пике Дыи, како отца своего Крона в тимении утопив, сам царьствовал. Царьствова же Пик в Асурии лет 30, тако^к оставя матерь свою Арию и сестру свою и жену, постави сына своего Велона царем в Асирии [1] и отиде ко своему отцу Крону на запад. Крон же, видев сына своего Пику, пришедшу к нему на запад, преда ему царьство западнее, беше бо стар и ослабел. Инии же глаголють, яко Пик отца своего им, истеса его отрезав, ввереже в море, самого же || в тимении погрузи и нуждею от(е)им царство его¹². Царствова же Пик Зеуз инех лет 60 и 2. Живе же Пикь Дии лет 100 и 20, и име сыны и дщери многы, любодеи бе, таибник и влежбы творя и пресажаа жены. Се же и Семель, дщерь Кадема царя, златом уснуби, и любяше паче инех. К ней же иноце ея глаголаху: «Проси у Зевеса, да приидеть ист с громом многым и млениею^л,1Э». Си же Семель не ведущи льсти их, а бяше имущи в чреве, вепросивши у Зевеса, и прииде к ней и зажже ю. Отрочища же из ютробы ея истрег недоношено^м, имущь седмь месяць. И в своём стегнии сего доносив, Денисиемь сего имевова. Сей же Дионисии началник же бе пианьству.

Фивеи бо глаголють, яко Дии к Алькомине, жене Фитриок, примесився, роди от нея сын, именем Иракле¹⁴, егоже Иракла нарицають Тримрачна. Теи показа прьвое в вечерних чястех мудрость. Сего бо живущий от племени его прозваша звезду на небеси по имени — се суть бози были безбожных еллин, яже от них еллиньстии баснословци бають, а не суть бози, нь человеци влехвове — зверовиднаго Иракла, егоже глаголють в лвеи язвени ходяща, и палицу имуща, и три яблока дрежаща, яже три яблока ему оттомыцу в кущуни глаголють палицею убивша змия, рекшу, одолевшу тремь чястемь злым похотем || ума мудростию, акы палицею; ходяща в котызе, яко в лве язвен, в тверде уме. И тако от(ъ)емша три яблока, еже суть трие доблии нрави: еже не быти гневливу, ни златолюбьцю, ни блуднику, палицею бо трепеливыя душа и язвеном буюю мысль уму победи, земную^н скверную похоть, нудяся мудроствовати и до смерти, якоже Диодор мудрый списа.

О° Прьсе и о главе Горгоне. Потом же Пике Зевес прижи по Ермии Иракле сына Персия от жены красны, именем Даная, дщери Акрасиевы¹⁵. Роди от нея сын именем Персия, егоже пишуть крилата, зане измлада беяше отрочя быстро¹⁶. Сего ради Пикс^п Зевес, отець его, научи его творити прокуд стыткого крофоса¹⁷, всему, еже сам ведяше^р таибным злым прелестем, глаголав ему яко «Победиши с иим вся рати, иже бо везрять на лице Горгониино, будуть яко мертви, тобою рассечени». И умре Дии, глаголють же Афину, родившуся от главы Дыевы рассечены¹⁸.

Пресеи же по смерти отца своего помысли на Асурииское царство, ревнуа Нина, стры своего. И приснися ему, и иде на страну Ливьску, на пути срете и обуена в страшны власы глядящи. И став, вепроси глаголя: «Како ти имя?». Она же рече: «Минуса». И емь ю за власы и серпным мечем отаи усекнув^с главу ея^т Главу же нарече Горго, быстрыя ради помощи и съдеания || на супостаты. Примучи же страны, никомуже противящуся. И мимошедшу времени прииде на нь царь от Ефиопиа Кифеос¹⁹. Прьси главу Горгониину ему показа. Кифеи же очима не видяше и идяше на нь. Прьси же мняше главу Горгонину уже не мощну деиствовати, обрати главу к себе и, позрев, бысть слеп и убиен бысть…

О Еремыи и о святе Троице^у. По умртвии же Дыеви, || царствова в Италии сын его Еремии лет 30 и 5; бе же мужь хитр и уму учен, иже изобрете руду златую прьвие и ковати злато. Разуме, яко завилять ему братия его, иже сут(ь) от многых жен, яже име Пик, отець его, а Еремии бе ему от прьвыа жены²⁰. Еремии же, разумев на нь яряшуся братью, отиде, вэем злата много, и иде в Египет к колену Хамову, и прияша и с честию, и живяше ту в велицеи чести, ризу нося злату, влехвоваше, поведаше им хотящая быти; бе же и хытр беседам, муж дивен и мудр и Тревелик нарицаем египтяны, иже сказа три велики силы суща21…