История русской риторики. Хрестоматия - Аннушкин Владимир Иванович (книги онлайн txt) 📗

Наука проповедей

(1690-е годы)

Книга вторая. О материи поучения

Материя поучения суть вся в законе Божием написанна, сотворенная или творити поведенная в познание истиннаго Бога и изправление жизни духовной належащая; или материя поучения есть духовная беседа о делех господних обыкновенных, яко и необыкновенных, и чюдесных, о заповедях господних, о советах Христовых.

О частях, на которыя пределяется материя поучения. Материю поучения на две части сего века проповедники слова Божия пределяют: первую часть нарицают о времени, другую – о святых.<… >

О сем, что значит материя о времянии. Материя о времяни значит и заключает в себе вся дни воскреснаго целаго года, такожде и все дни предпришествия Христова и великаго поста, иде же обыкновенно есть на всяк день поучения творити.<… >

О сем, что содержит в себе материя о святых. Материя о святых содержит в себе праздники святых. В начале святаго всем святым Господа и Бога нашего Иисуса Христа праздники неподвижимыя: рождение, обрезание, крещение, преображение, воздвижение.<… >

В материи о времянии смотрити и разсуждати подобает добродетели, о которых Евангелие настояще поучает<…>Добродетели убо разныя пределения имеют: иныя нарицаются влиянныя и богословския, яко вера, надежда и любовь, инныя – протчим основателныя, яко истинна, мудрость, мужество и целомудрие…

Вопрос: Что творити в материи о святых?

Ответ: Материя о святых сугубо предлагаема бывает перво общим наставлением, во второе – именитым всякому святому положением.<… >

Беседу о Христе начинаю от титлов его. Титлы Христовы от церкви святой положенныя сия суть: Сын Божий по обещанию, сын авраамлин, сын давидов, сын человечь, сын девицы, сын Бога живаго.<…>

Титла Пресвятой Богородицы<…>сия суть: дщери Бога Отца, мати Бога Сына, невеста Духа Святаго.<…>

Многая суть яже о аггелах богословцами преданная, яко иже от небытия в бытие вместе с небесами и материю первою создани суть, иже сотвореннии быша во благодати Божий, но не укрепленнии в ней, иже по естестве своем суть духов без плотии, но не яко душа человека, которая с плотию совокупляется.<… >

Под именем патриархов не мни быти положенных здесь наивышщих властей церковных, их же житие безсупружное есть сицевы убо положенний будут в материи о богоносных отцах святых, но по обыкновению библии святыя патриархове нарицаются праотцы Христа Бога и Спаса нашего, иже не в законе писанном и преданным чрез Моисея пророка, ниже в законе новыя благодати, Христом сотворенным, но в законе естественном пожиша, начинаючи от Адама, даже до Моисеа, от которых по плоти изыде Христос.<… >

Пророчество в нашем веку вещь зело редкая, в старом завете частая и непременная, бысть начинающи убо от Моисеа даже до разорения церкви еросалимской.<… >

Что есть солнце во сьсредине неба между вышними и нижайшими планитами – сие есть чин апостолский в церковь Божию между ветхим и новым заветом. Поучая убо о апостолах, сия преложиши: иже пожиша во времяни щастливейшем от создания мира.<… >

Мученичество вещь паче всего Господу Богу приятнейша есть пострадание верных от насилных мучителей, церковь Божию гонящих и за веру Божию, где коеждо слово от писания сего разсудити подобает.<… >

Исповедники обыкновенно нарицаются иже веру христианскую, от церкви святыя принятую и описанныя по уложению святых вселенских соборов, всехранно и неусумнително исповедают, хранят и обороняют.<… >

Девичество, елице Господу Богу нашему любимое, толице человеком велми трудное, есть основанием же оного стоит на чистоте сердца, уст и дел: сердцем мысли скверные отгоняются, устом своим, да не согрешиши оными, – гранилище положи, малы убо часть плоти человека есть язык, но в великую беду и погибель не токмо временную, но часто и в вечную человека приводит. Тем же яко стену каменную положил Бог зубы пред языком, да не скоро испустиши он на сквернословие, оклеветание и протчие из уст исходящие грехи. Еще же и делом самым чистоту девическую являти подобает, явля(е)т же ся сицевая чистота от закраснения лица, аще слово скверное получится когда слышати, от овращения ушей своих от нечистостых бесед, от воздержания очесей своих в зрению нестыдливом.<… >

Книга третия. О формах поучений

Единою всем поучением положити форму неудобь есть, понеже убо формы емлются от правил разных мудростей, а проповедники слова Божия неравно все и во всех мудростях искусни суть. Аще же ученыи некоторые и всех наук искусилися, обаче склонность и воля их ко одной, нежели другой вещи бывает, за тем идет еже по разности разумов человеческих формы разныя умножились.<… >

Беседа о формах риторичных

В начале о первой форме риторской образцы о(т) риторических правил три формы разныя мощно избрати: первая – проповедником слова Божия доволна, вторая – совершенна, третия – изобилующа.

Первая убо форма риторская содержит в себе осмь частей, яже суть: начало, предложение, вины, прилагаем (?) противности, подобия, свидетелства, окончения.

Человек без главы кажется быти поучение без фемы, тем же яко знамена полковыя даются ратным людям.<… >

Аще в один день случится два праздника, например, в день воскресный праздник коего святаго, тогда смотрити подобает, кой праздник болши.<… >

Откуду ни есть фему возмеши, таковую избирай, чтоб без трудов [5] великих могл еси на ней основати поучение, тем же словеса, разумом или недоумеетной имеюща, остави, явственно же возми. Аще же без великих трудов и скоро поучение сотворити хощеши, возми фему, в которой две или три вещи положени суть. <… >

Начало поучения и труднейшая от осми частей первыя формы есть, потому что многия и неописанныя имеет способы и начинати речь какую, к тому еще иже по разностям материи нужда бывает и начала разныя творити.<… >

<…>Четыре токмо правила полагают риторове о начале слова:

1– е правило – явити, коим намерением хощеши беседовати;

2– е правило – известити, о которых вещах речь твоя будет;

3– е правило?что в нем хощеши научити;

4– е правило – просити слушателей о прилежном послушании беседы своей.

Перво – смотрити самую вещь, о которой поучение будет, яже аще велико, похвално есть и торжественно ликуется, уничижиши самого себе, исповедаючи неудобность твою во еже достойно глаголати о ней, и приточиши или подобия или прилоги к тому приличныя, например, рекше: суета есть прибавляти солнцу света или морю воды, не мощно человеку очима отверстыма долго зрети на солнце, иже Моисей, глаголя с Господем Богом на горе, лица его превеликость славы Божия видети не могл.