Хрестоматия по истории СССР. Том 1 - Тихомиров М. Н. (лучшие книги онлайн txt) 📗
Были вечи Трояни9, минула лета Ярославля10; были плъци Ольговы, Олга Святъславличя11. Тъй бо Олег мечем крамолу коваше и стрелы по земли сеяше. Ступает в злат стремень в граде Тьмуторокане. Тъй же звон слыша давный великый Ярославль, а сын Всеволожь Владимир12 по вся утра уши закла-даше в Чернигове; Бориса же Вячеславлича13 слава на суд при-веде, и на канине14 зелену паполому постла, за обиду Олгову, храбра и млада князя. С тоя же Каялы Святопълк полелея отца своего междю Угорьскими иноходьцы ко святей Софии15 к Киеву. Тогда при Олзе Гориславличи16 сеяшется и растмиеть усобицами, погибаешь жизнь Даждьбожа17 внука, в княжих крамолах веци человеком скратишася. Тогда по Руской земли ретко ратаеве кикахуть нъ часто врани граяхуть, трупиа себе деляче, а галици свою речь говоряхуть, хотять полетети на уедие.
То было в ты рати и в ты плъкы; а сицей рати не слышано; с зараниа до вечера, с вечера до света летят стрелы каленыя, гримлют сабли о шеломы, трещат копиа харалужныя, в поле незнаеме среди земли Половецкыи. Чръна земля под копыты костьми была посеяна, а кровию польяна, тугою взыдоша по Руской земли.
Что ми шумить, что ми звенить давечя [46] рано пред зорями? Игорь плъкы заворочаеть, жаль бо ему мила брата Всеволода2. Бишася день, бишася другый, третьяго дни к полуднию падоша стязи Игоревы. Ту ся брата разлучиста на брезе3 быстрой Каялы; ту кроваваго вина не доста; ту пир докончаша храбрии Русичи: сваты попоиша, а сами полегоша за землю Рускую…. Усобицы князем на поганыя погыбе, рекоста бо брат брату: «се мое, а то мое же». И начяша князи при малое «се великое> млъвити, а сами на себе крамолу ковати. А погании всех стран прихождаху с победами на землю Рускую…
А въстона бо, братие, Киев тугою4, а Чернигов напастьми; тоска разлился по Руской земли; печаль жирна5 тече среде земли Рускыи. А князи сами на себе крамолу коваху, а погании сами победами нарищуще на Рускую землю, емляху дань по беле6 от двора. Тии бо два храбрая Святъславличя Игорь и Всеволод, уже лжу убуди[ста] которою7; ту бяше успил отець их Святъславь грозный, великый Киевскый грозою; бяшеть притрепал своими сильными плъкы и харалужными мечи; наступи на землю Половецкую; притопта хлъми и яругы, взмути реки и озеры, иссуши потокы и болота; а поганого Кобяка из луку моря от железных великых плъков половецкых, яко вихр, выторже: и падеся Кобяк в граде Киеве, в гриднице Святъславли. Ту немци и венедици8, ту греци и Морава9 поют славу Святъславлю, кають князя Игоря, иже погрузи жир10 во дне Каялы, рекы половецкыя Рускаго злата насыпаша ту. Игорь князь выседе из седла злата, а в седло кощиево. Уныша бо градом забралы11 а веселие пониче. А Святъслав12 мутен сон виде в Киеве на горах си ночь: «С вечера одевахуть мя, рече чръною паполомою13 на кровати тисове [47]; чръпахуть мы синее вино с трудом смешено: сыпахуть ми тъщими тулы2 поганых тлъковин великый женчюгь на лоно и негуют мя; уже дъскы без кнеса3 в моем тереме златовръсем; всю нощь с вечера бусови врани възграяху у Плесньска4 на болони беша дебрьски сани несошася к синему морю». И ркоша бояре князю: «уже, княже, туга умь полонила: се бо два сокола5 слетеста с отня стола злата, поискати града Тьмутороканя, а любо испити шеломомь Дону. Уже соколама крильца припешали поганых саблями, а самаю опуташа в путины железны…» Тогда великый Святъслав изрони злато слово, с слезами смешано, и рече: «О моя сыновчя6, Игорю и Всеволоде, рано еста начала Половецкую землю мечи цвелити, а себе славы искати. Нъ нечестно одолеете, нечестно бо кровь поганую про-лияете. Ваю7 храбрая сердца в жестоцом харалузе скована, а в буести закалена. Се ли створисте моей сребреней седине«…Нъ рекосте: «Мужаимеся сами, преднюю славу сами похытим, а заднюю си сами поделим. А чи диво ся, братие, стару помолодити? Коли сокол в мытех бываеть, высоко птиць възбиваеть, не даст гнезда своего в обиду. Нъ се зло — княже ми непособие; на ниче ся годины обратиша». Се у[же] Рим 8 кричат под саблями половецкими, а Володимир под ранами: туга и тоска сыну Глебову9.Великый княже Всеволоде10, не мыслию ти прелетети издалече, отня злата стола поблюсти, — ты бо можеши Волгу веслы раскропити, а Дон шеломы выльяти. Аже бы ты был, то, была бы чага11 по ногате, а кощей12 по резане13. Ты бо можеши посуху живыми шереширы14 стреляти — удалыми сыны Глебовы. Ты, буй Рюриче и Давыде15, не ваю ли злачеными шеломы по крови плаваша? не ваю ли храбрая дружина рыкають, акы тури16 ранены саблями калеными, на поле незнаеме? Вступита, господина, в злата стремень за обиду сего времени, за землю Рускую, за раны Игоревы, буего Святъславлича. Галичкы Осмомысле Ярославе17, высоко седиши на своем златокованнем столе, подпер горы Угорьскыи18 своими железными плъкы, заступив королеви19 путь, затворив Дунаю ворота, меча бремены чрез облакы, суды рядя до Дуная. Грозы твоя по землям текут; отворяеши Киеву врата; стреляши с отня злата стола салтани за землями. Стреляй, господине, Кончака, поганого кощея, за землю Рускую, за раны Игоревы, буего Святъславлича…
0 стонати Руской земли помянувше пръвую годину и пръвых князей. Того стараго Владимира [48]не лзе бе пригвоздити к горам Киевскым: сего бо ныне сташа стязи Рюриковы, а друзии Давидовы, нъ розьно ся им хоботы2 пашут. Ярославнын3 глас[ся] слышить, зегзицею4 незнаеме рано кычеть: «Полечю, рече, зегзицею по Дунаеви, омочю бебрян рукав в Каяле реце, утру князю кровавыя его раны на жестоцем его теле». Ярославна рано плачет в Путивле на забрале, аркучи: «О, ветре, ветрило, чему, господине, насильно вееши? Чему мычеши хиновьскыя5 стрелки на своею нетрудною крилцю6 на моея лады вой? Мало ли ти бяшет горе7 под облакы веяти, лелеючи корабли на сине море? Чему, господине, мое веселие по ковылию развея?» Ярославна рано плачеть Путивлю городу на забрале, аркучи: «О Днепре Словутицю, ты пробил еси каменныя горы сквозе землю Половецкую; ты лелеял еси на себе Святославли насады8, до пълку Кобякова9: възлелей, господине, мою ладу к мне, абых не слала к нему слез на море рано». Ярославна рано плачеть в Путивле на забрале, аркучи: «Светлое и тресветлое слънце, всем тепло и красно еси: чему, господине, простре горячюю свою лучю на ладе вой? в поле без-водне жаждею имь лучи10 съпряже, тугою им тули11 затче?» Прысну море полунощи; идуть сморци12 мъглами: Игореви князю бог путь кажет из земли Половецкой на землю Рускую к отню злату столу. Погасоша вечеру зари. Игорь спит, Игорь бдит, Игорь мыслию поля мерит от великаго Дону до малаго Донца. Комонь13 в полуночи Овлур14 свисну за рекою, велить, князю разумети: князю Игорю не быть, кликну — стукну земля, въшуме трава, вежи15 ся половецкий подвизашася. А Игорь князь поскочи горнастаем к тростию16 и белым гоголем на воду. Въвръжеся на бърз комонь и скочи с него босым влъком. И по-тече к лугу Донца и полете соколом под мьглами, избивая гуси и лебеди завтроку и обеду и ужине. Коли Игорь соколом полете, тогда Влур17 влъком потече, труся собою студеную росу: претръгоста бо своя бръзая комоня…А не сорокы въетроскоташа, на следу Игорове ездит Гзах с Кончаком18. Тогда врани не граахуть, галици помлъкоша, сорокы не троекоташа; по лозию ползоша толко дятлове тектом путь к реце кажуть; соловии веселыми песньми свет поведают. Млъвит Гзак Кончакови: «Аже сокол к гнезду летит соколича ростреляеве своими злачеными стрелами». Рече Кончак ко Гзе: «Аже сокол к гнезду летать, а ве соколца опутаеве красною девицею». И рече Гзак к Кончакови: «Аще его опутываеве красною девицею, ни нама будет сокольца, ни нама красны девице, то почнут наю птицы бита в поле Половецком».
46
Давечя — иногда вместо давеча читают далече. 2 Всеволода — Всеволод Святославич, брат Игоря, князь Трубчевский (умер в 1196 г.). 3 На брезе — на берегу. 4 Тугою — печалью. 5 Жирна — обильна. 6 По беле — по белке. 7 Которою—раздором. 8 Венедици — венециане. 9 Морава — Моравия в Чехословакии. 10 Жир — богатство, сила 11 Градом забралы — верхняя часть стены в деревянной крепости, защищающая стоящих на стене. 12 Святъслав — дядя Игоря, великий князь киевский Святослав Всеволодович. 13 Паполомою — покрывалом.
47
Тисове — из тисового дерева. 2 Тъщими тулы — из пустых колчанов. 3 Кнеса — князька, или перекладины, связывающей на верху крыши стропила. 4 Плесньска — города Плесеньска. 5 Два сокола — Игорь и Всеволод. 6 Сыновчя — племянники. 7 Ваю — ваши. 8 Рим — город в Переяславской земле. 9 Сыну Глебову—переяславскому князю Владимиру Глебовичу. 10 Всеволоде — суздальский князь Всеволод Большое Гнездо (1176–1212); в 1182–1184 гг. Всеволод победил болгар на Волге; отсюда намек на его силу — «Волгу… раскропити». 11 Чага — пленница. 12 Кощей — пленник, 13 Резане, ногата — мелкие денежные единицы. 14 Шереширы — копьями. 15 Рюриче и Давыде — дети Ростислава Мстиславича. 16 Тури — туры, дикие быки. 17 Ярославе — галицкий князь Ярослав Владимирович (умер в 1187 г.). 18 Угорьскыи—Карпатские. 19 Королева — венгерскому королю.
48
Владимир — Владимир Мономах. 2 Хоботы — знамена или бунчуки из конских хвостов. 3 Ярославнын — Евфросинья Ярославна, жена Игоря, дочь галицкого князя Ярослава. 4 Зегзицею — кукушкою. 5 Хиновьскыя — половецкие. 6 Крилцю — крыльях. 7 Горе — вверху. 8 Насады — лодки. 9 Кобякова — Кобяка, половецкого хана. 10 Лучи — луки. 11 Тули — колчаны. 12 Сморци — смерчи. 13 Комонь — коня. 14 Овлур — половец Овлур, или Лавор, помогший Игорю бежать из плена. 15 Вежи — кочевые шатры половцев. 16 К тростию — к тростнику. 17 Влур — Овлур. 18 Гзак с Кончаком — половецкие ханы.
